අවම වශයෙන් වසර 50 ක වත් කාලපරතරයක් ඇතිව ගන්නා ලද මෙම සේයාරූ යුගලේ කළුසුදු ජායාරූපයේ පෙනී සිටින්නේ දෙවන ලෝක යුධ සමයේ සේවයේ යෙදී සිටි ජර්මන් නාසි හමුදාවේ සාමාජිකයෙකි. ඔහු ඉදිරිපිට ඇත්තේ ඒ සමයේ මිත්‍ර පාක්ෂික හමුදාවන්ට බිහිසුණු සාපයක් බඳු වූ MG 42 අවියකි ...
දැවෙන දහවල් හිරු එලියට නිරාවරණය වී තිබූ ජර්මනියේම නිශ්පාදිත GPMG ගිණි අවිය දිවුල් ගසේ සෙවන යට තබා ආපසු එන විටම මගේ මිතුරෙකු විසින් අහඹු ලෙස ගත් ජායාරූපයේ මා සහ ගිණි අවිය සටහන් වී තිබේ.සිරිතක් වශයෙන් ගිණි අවියක් මතින් පා නොතබන මුත් මා ඒ චාරිත්‍රය කඩ කරන බවද පෙනෙයි.ඇත්ත වශෙන්ම අප අපගේ පුද්ගලික ගිණි අවි සමඟ තිබූ බැඳීම මෙවැනි බරැති,හැඩි දැඩි ආධාරක අවි සමඟ නොතිබූ බව කිව යුතුය....
පැරණි MG 42 අවියට වඩා කිලෝ ග්රෑම් 3කින් පමණ බරින් අඩුවූ GPMG අවිය කිලෝ ග්රෑම් 8 පමණ බරින් යුතු විය.අවි දෙක සඳහාම යොදා ගත්තේ එකම ආමානයේ උණ්ඩ සහිත පටි වූ අතර ගිණි අවි දෙකෙහිම ප්‍රබලත්වයේ සහ යාන්ත්‍රික ක්‍රියාවලිය බොහෝ දුරට සමානය.මෙම GPMG අවිය කේෂ්ත්‍රයේ රැගෙන යන විට එම අවිය සමඟ නිෂ්පාදකයා විසින් ලබා දී ඇති අමතර බැරලය ද ගෙන යන්නෙමු.දීර්ඝ වෙඩි තැබීමකදී අවියේ බැරලය රත් පැහැතිව ගිනියම් වී ඇති විට තත්පර කිහිපයක් තුල අමතර බැරලය මාරු කල හැකි තරම් විශිෂ්ඨ ලෙස අවිය නිපදවා ඇත...
එසේම හැඩිදැඩි ආධාරක අවියක් වුවද ඉතා ඈතින් ඇති කුඩා ප්‍රමාණයේ ඉලක්කයක් වෙත ඉතා නිවැරදි ලෙස වෙඩි තැබිය හැකි පසු කම්පනය අඩු ක්‍රියාකාරීත්වයෙන් යුතුව මෙම ගිනි අවිය නිෂ්පාදනය කර ඇත.....අපේ පියවරු පමණක් නොව සීයලා සහ මුත්තලාද ජර්මන් බඩු තත්වයෙන් උසස් යැයි පැවසුවේ මේ නිසා වියයුතුය.......
බුකියට ලියුවේ චමින්ද ජයසේන
No comments:
Post a Comment